Wednesday, February 27, 2013

අපිට පිස්සු ඕයි !!!

Share


අපේ ගෙදර ඔරලොසුවෙ බට්ට වැනෙනව ඕයි...
මට ඒ බට්ටගේ නැගල බට්ටො පදින්න හිතෙනව ඕයි...
ඒක මාර ආතල් ඕයි...
බට් ටිලි ටිලි චිල්ල මලේ කෙල්ල එක්ක මාත් වැනේ ඕයි...

අම්මට හුඩු කවුද එකෙක් විසිල් කලා ඕයි..
පොලිසියෙන්ද මන්දා ඕයි...
හුටා පාක් එකේ සික්ක නේද... ලැජ්ජයි ඕයි...
සමනල පාලමෙන් මුහුදට පනින හිතුන ඕයි...
කෙල්ලෙක් ඉදල නෑ ඕයි...
කනාටු වෙච්චි මල් පැලයක් ඕයි...

උගේ ආච්චිට හැංගෙන්න අපි යමු කොටුවට ඕයි...
කොටුව උඩට නැගල ඈත යන නැවකට හූ කියමු
ඕයි...
ඇහෙන එකක් නෑ අපි පීනමු ඕයි...
ඒ නැවේ නෑගල ඔට්ටෙලියාවට යමු ඕයි...
එහේ ලයිප් එක මාර ෆන් ලු ඕයි.. 

ආතල් කන් දෙකෙන් බේරෙනවලු ඕයි...
ඇස් දෙකට ඇඩෙනවලු ඕයි..

සිඩ්නි හන්දියේ සයිවර් කඩෙන් තෝසෙ දෙකක් කමු ඕයි...
ටවුමෙ තියෙන බාර් එකෙන් ගල් බොතලෙකුත් ගමු ඕයි...
චයින ටවුමෙන් චිකන් ඩෙවල් එකක් දාගමු ඕයි...
හාබර් පාලම උඩ තියන් ගහමු ඕයි...
කැරකෙන්න වැදුනම ඔපෙර හවුස් යන් ඕයි..
ඔපෙර එකේ සන්ෆ්ලවර් ලගේ සින්දුවකට නැතිවෙන්නම නටමු ඕයි...

ආතල් වැඩියි
ඕයි... ඔට්ටෙලියාවෙ ඉන්න බෑ ඕයි...
එලිවෙද්දි සිඩ්නි - කොළඹ නැවකට නගිමු ඔයි...
තේ බොන්න සිංගප්පූරුවෙ නැවත්තයිනේ ඕයි...
දුමක් දාල චූ බරෙනුත් නිදහස් වෙමු ඕයි...
කොලඹට ආවම මට නැගිට්ටපන් ඕයි..
අම්මට හුඩු සී ප්ලේන් එකේ ගාලු යමු ඕයි...

සුද්දියෙකුගේ ස්කූටියෙ නැගල සවාරියක් යමු
ඕයි...
සුද්දි ගානේ අම්බානෙක බොමු ඕයි...
සුද්දි ගල් බොයිද ඕයි..
බැරිනම් අපි සුද්දි එක්ක මී පැණි බොමු ඕයි...
මත් වෙනකල් බොමු ඕයි...
රේන් කෝට් එකක් දාගෙන වැස්සෙ තෙමෙමු ඕයි..

සමහන් එක්ක කිරිත් බොමු ඕයි...

වැස්ස පෑව්වුම හිමීට මාරු වෙමු ඕයි..
හැන්දැ වෙලා හිමීට රොකට් එහෙකින් හඳටත් යමු ඕයි...
හඳේ හාවට කැරට් මෙහෙන් පටෝමු ඕයි..
ඒක මාර බිස්නස් එක ඕයි... සල්ලි මිටි උඩ අපි පාවෙමු ඕයි...

සල්ලි මිටි උඩ මොනා කරන්නද ඕයි...

කරන්න දේවල් හිතා ගන්න බෑ ඕයි...
සල්ලි වැඩි වෙලා මට පිස්සු වගේ ඕයි...
මට බෑ ඕයි... මට පිස්සු හැදෙයි ඕයි...
මම බට්ටො පදින්නෙ නෑ ඕයි...
ඔරලෝසුවෙ බට්ට වැනෙන්නෙ නෑ ඕයි...
අපේ ගෙදර ඔරලෝසුවකුත් නෑ ඕයි...

ලියන්න දෙයක් නැතුවටද ඕයි...
අපේ සුපියල් පහ කේවා ඕයි...
සික් විතරක්... මොනවද ඕයි...
ඔහොම කියන්න එපා ඕයි...


මට පිස්සු වගේ ඕයි..
වගේ නෙමේ ඕයි..
හොදටම පිස්සු ඕයි !!!!! 


මාත් එක්කම ඇඩ්මිට් වුනා : ඕනයා | සිහින | අවංක පැට්ටා | ආගන්තුකයා | STRANGER | රනා | පසන් | බුල්ටෝ | සෝඩා ගුණේ | සුදු පූසා | නචී | ජීවිතේ මල් | ලිෂාන් පුවක්ඕවිට | සංජු | පිස්සා | අශාන් | හිතුවක්කාර කෙල්ල | රුචක| හසී | මුචලින්ද | අමිල චතුරංග

Wednesday, February 13, 2013

ඈ ගණිකාවක්ද ? නැත... අසරණ වූ තවත් එක් ගැහණියකි...

Share


කොටුවේ ස්ටේශන් එක ඉස්සරහ මගී පාලම දිගේ මම ස්ටේශන් එක දිහාට ගියේ 2.05 කෝච්චිය අල්ල ගන්න. සති දෙකක් එකතු වෙච්චි ඇඳුම් මල්ල කරේ එල්ලගෙන පුරුදු කැප් එකයි.. ඩෙනිමට උඩින් දාපු ටී එකයි රබර් දෙකයි දාගෙන මම මේ ගෙදර යන ගමන්.

අතේ සතේ නැතිව ගෙදරින් දෙන කීයෙන් හරි රෝල කරකවපු ඒ කාලේ පිනට යමක්.. ආධාරයක් දෙනවැයි කියන්නේ අනාථ වෙන සීන් එකක්... ඒත් කැම්පස් වල... එක එක ආයතන වලින් ස්ටිකර් විකුනන්න එන කෙල්ලො කොල්ලොන් ගෙන් නම් අහක බලන් බේරෙන එක හිතට හරි නෑ මගේ.

එදත් උනේ එහෙම දෙයක්... කැප් වගයක් දාගෙන එකම විදියේ ටී ගහ ගත්තු කෙල්ලො සෙට් එකක් ස්ටිකර් විකුනනවා... අහක බලන් මාරු වෙන්න හැදුවත් උන් ලං වෙද්දි කෙල්ලොනෙ මූන පොඩ්ඩක් බලන්න ඒ පැත්ත බලපු ගමන්

" අයියේ ස්ටිකර් එකක් ගමු ද ? "

හ්ම්ම්...

ඒ මුනේ මොකක්දෝ දැකල පුරුදු ගතියක් තිබ්බ...

" කීයද ? "

" එකක් 10 යි.. "

" අහ්.. ඔය මොකෙන්ද ? කැම්පස් එකකින්ද ? "

" නෑ අයියේ අපි මේ *********  කියල එකකින්..."

මූන නම් හොඳට හුරු පුරුදුයි... කවුද මේ... හරි... මේ මේකි නේද... හුන්නස්ගිරියයි...

" ඔයා... ඔයා  ( ඇගේ ගම ) නේද ? "

 ඇගේ මුහුනේ එක පාරටම තිගැස්මක් ඇති උනා...

" ඔ.. ඔව්... ඔය අයියා... එහේද ? "

නෑ නෑ.. මගේ යාළුවො ඉන්නවා එහේ.. නිතරම යනව එනව ඒ දවස් වල... එතකොට දැකල තියෙනවා දවසක් දෙකක් පාරෙදි... එක පාරටම මතක් උනේ නෑ...

යාන්තමට හිනා වෙලා ඈ මවෙතට ස්ටිකර් මිටිය දික් කලත් ඒ හිනාවට යටින් තිබ්බ වේදනාව හංග ගන්න ඈ සමත් උනේ නෑ...


***************************************

මීට වසර කීපයකට පෙර...

බස් එකෙන් බැහල පාර පැනල ගොබ්බයගෙ ලගෙ ගෙවල් පැත්තට යන්න හැරුන විතරයි කන ගාව බ්‍රේක් ගැහුවෙ හර්ශනයා... ඉහෙන් කනින් දාඩිය පෙරාගෙන කුලු මීමෙක් වගේ බයිසිකලෙ ඉදන් හති ඇර ඇර...

" නෑ නෑ.. නෑගහන් යකෝ... "

" කොහේ යන්නද ? "

" නැගහන්.. "

අයාලේ යන කාලේ කොහේ ගියාම මොකද ? මාත් නැග්ග ඒ බයිසිකලේටම..


" කොහෙද බන් මේ හරක වගේ... "

" යමන්කො පෙන්නන්න... අර බලහන්... "

ඌ අත දික් කරලා ඈතින් යන කෙල්ලෙක් ව පෙන්නුවා...

" ඉතින්... කවුද ඒ... තොගේ අලුත් කෑල්ලක්ද ? "

" හුයන්නක් කියනවා... ඕක මචන් උස්සත හැකි.. වෙන එකෙක්ට ඇහ ගැටෙන්න කලින් ඇල්ලුවනම් හරි... යමන් යමන්... "

මාව හීතල වෙලා ගියා.. මොකක්ද මේ කියන්නේ..

හතර දේවාල හන්දියෙන් හැරිලා ඒකි ගේ පස්සෙන් හිමීට බයිසිකලේ පදිනවා මූ මාවත් තියාගෙන...

" මොන එකක්ද යකෝ... කරන දෙයක් කියහන්.. "

" කෑ නොගහ යමන්... ශේප් එකේ ටෝල්ක් කරා නම් දැන් උනත් උස්සත හැකි... "


" තොට පිස්සුද බන්... දන්න කියන උන් ඉන්න පැත්තෙ මේ... අනික තොගේ ගෙවල් පැත්තනේද මේ ? "

" අපේ ගෙවල් මෙහේ කොහෙද යමන්කො... "

කතාවෙන් කතාව අපි ත් යනවා.. ඒකිත් යනවා...

වේගෙන් ආපු මෝට බයික් එකක් ඒකි පහු කරලා නැවත්තුවා... ෆුල් ෆේස් හෙල්මට් දාපු එකෙක්.. කවුද මන්දා.. අපිට නවත්තන්න බෑනේ... අපි හිමීට උන්ව පහු කරා...

" ශික් ශික්... බලහන් අපි ටිකක් ඉස්සර උනා නම් හරි බන්... අරූ අනිවා දැන් ඕක උස්සනව..  "

" ඒ කවුද බන් ? "

" ඔය බයික්කෙනම් මචන් චූටි පුතා කියන එකාගේ.. ආවෙ නම් කවුද දන්නෙ නෑ ඔය..."


අපි එහෙමම ඉදිරියට බයිසිකලේ පැදන් ගියා... මොහොතකින් අර කෙල්ලවත් පිටුපස නංවාගෙන විදුලි වේගෙන් බයික් එක අපිව පසු කරන් ගියා...

" අර අර බලපන්.. ඌ ඉස්සුව... අන්න කොල්ලො.. තොපි ඇඹරෙද්දි ඌ ආව ටොල්ක් කලා.. ශික්.. "

හර්ශනයා මට දෙහි කපනව..

" ඈ හුයන්නෝ.. මට ඕනි කමක් තිබ්බද ඔය කෙල්ලෙක් උස්සන්න.. තෝනෙ උලමා වගේ ආවේ බයිසිකල් කට්ටක.. උබට ටෝල්ක් කරන්න තිබ්බනේ.. "

මටත් ටිකක් විතර තද උනා..

" හ්ම්ම්... කොහේ උස්සන්නද බන් මේ බයිසිකල් කට්ටෙන්.. කොහෙට උස්සන්නද.. මම නිකන් කිව්වෙ..  "

" අනේ තෝයි මායි උස්සන බඩු... "

අපිට වැඩි දුරක් එන්න උනේ නෑ...

තේ කෑල්ල අයිනේ තිබ්බ ගිරිදීසිය ගස් අස්සේ තිබ්බ චූටි පුතාගේ බයිසිකලේ ඇහ් ගැටුනා..

" අඩෝ.. අරූගේ බයික් එක.. අනිවා ඕක අරකිව තේ කෑල්ලට උස්සල.. යමන් යමන් බලන්න.. "


" බෑ බෑ... තොට පිස්සුද... යකෝ චූටි පුතා හරි උගේ මොකෙක් හරිනේ ඇත්තේ.. අපේ අහවල් එකත් කපයි මාට්ටු උනොත්...  "

" කෑ ගහන් නැතුව පොඩ්ඩ්ක් වරෙන්කො... "

සෙරෙප්පු දෙකත් ගලවල අයිනකට දාල බොහොම සීරුවෙන් යන හර්ශනය පස්සෙන් මාත් ගැටුවා... මීටර් 150 - 200 ක් ඈතින් තිබ්බ ගල් කුල දිහාට අත දික් කරල හස්ත භාශාවෙන් මට හර්ශනය මග පෙන්නනවා...

දාඩිය මුගුරු දාගෙන.. බොහොම සීරුවෙන් පය තබමින්.. තේ ගස් වලින් බේරී බේරී... සෑහෙන වෙලාවකින් අපි ගල් කුලට ලං උනා... පපුව ඩග් ඩග් ගානවා සද්දෙට...

ගල් කුලට මුවා වෙලා හිමීට පල්ලම දීහා බැලූ මට මුලින්ම පෙනුනේ බයික් එකේ ආපු එකාගේ හෙල්මට් එකයි ගලවල දාල තිබ්බ ටී ශර්ට් එකයි.. කුතුහලය එක්ක තව ටිකක් එබුන මට නිරුවත් කකුල් 4 ක් පෙනුනා...

අහේතුක බයක් එක්ක මම ආපහු හැරුනා.. ආව තරම් සීරුවට නෙමෙයි.. හර්ශනයා මගේ පස්සෙන්..

කවුරු හරි පස්සෙන් පන්නනවා වගේ.. අඩියට දෙකට පාරට ආපු අපි බයිසිකලේ වේගෙන් පැද්දා...

හර්ශනය ගෙ දෙහි කැපුම් ඉවරයක් නෑ... නිකන් බලන්න හම්බුන දේ බැලුවෙ නෑ කියල..

" යකෝ අපි කවද ලයිව් ශෝ එකක් බලන්නද.. තෝ මහ..... "  කුනුහරුප එකයි...


සෑහෙන දුරක් බයිසිකලේ පැදපු අපි හතර දේවාල හන්දියට එද්දි කලුවර වැටීගෙන එනවා...  හන්දියට පොඩ්ඩක් එහා තිබ්බ පොඩි පාලම අයිනෙ බයිසකලේ නවත්තපු අපි දෙන්න පලාටම හේත්තුවක් දැම්ම...

" කවුද බන් ඒ කෙල්ල ? මොකක්ද සීන් එක ? සල්ලි වලට යන එකක්ද ? "

" නෑ බන්.. ඒක වෙන සීන් එකක්... පව් බන් මොනා උනත්... "

" කියපන්කො ඉතින්... "

" ඕකි යාළු වෙලා හිටියෙ ගමේම එකෙක් එක්ක... උබ දන්නවත් ඇති.. වජියලගේ අයියලගෙ ක්ලාස් වල.. ඌ තමයි ඕකිව ගෑනියෙක් කලේ.. ඌ මහ කැ**** බන්... ඌ සීන් එක නෝන්ඩි කලා.. පස්සෙ පස්සෙ උගේ යාළුවොත් මේකිව බය කරගෙන එහේ මෙහෙ ඇද්ද...  "

" හ්ම්ම්.. "

" ඕකිගෙ අම්මයි තාත්තයි නෑ බන්.. ඉන්නෙ සීයා එක්ක.. ඌ ඔක්කොටම එහා.. ඔය සීන් නෝන්ඩි උනා... සීයා දැන ගත්තට පස්සෙ ඌ මේකිව විකුනන්න ගත්තා.. යන්න එන්න තැනකුත් නෑ.. නැති වෙන්න දේකුත් නැති නිසා ඒකිත් අසරණ වෙන්න ඇති... "

" සමහර වෙලාවට අරක්කු බාගයක් ගෙනත් දීලෙ ගේ ඇතුලෙම අහවල් එක කරන් යනවලු බන්... ඒකිටත් කරන්න දෙයක් නෑනේ...  "

" පව් සීන් එකනේ.. "

" ඔව් බන්.. දැන් ඉතින් ඒකිටත් ගානක් නෑ මම හිතන්නේ... ජීවත් වෙන්න විදියකුත් නැති උනාම... පුදුමයි උබ නොදන්නව.. ගොඩක් උන් දන්න සීන් එකක් බන් ඕක. "

" තෝත් පස්සෙන් පැද්දේ ඒ වගේ අසරණ උන කෙල්ලෙක් උස්සන්නද ? පොන්නයා... " 


මට සිරාවට්ම තද උනා..

" පිස්සුද බන්... ඔය පැද්දට උබයි මායි උස්සන කෙල්ලො.. හක් හක්... වරෙන් බන් කොත්තුවක් කාල දුමක් දාල ගෙදර යමන්... "

***************************************


ඒ සිදුවීම මොහොතකින් මගේ හිතේ මැවී පෙනුනා...

ඈ තවමත් ස්ටිකර් මිටිය දික් කරගෙන... සාක්කුවට අත දාල රුපියල් 20 ක් ගත්තු මම දෙන්නකො දෙකක්ම.. කියමින් ස්ටිකර් දෙකකුත් අරගෙන ඈ පසු කරා...

" දැන් ගමේ නෙමෙයිද ඉන්නේ ? "

ආපසු හැරුන මම ඇසුවා..

" නෑ.. දැන් කොළඹ... එකේ පොඩි ජොබ් එකක් හම්බුනා... "

" යන්නම්... "

ඇගෙන් සමුගත් මා මම මගී පාලමේ පඩි පෙළ බැස ස්ටේශම දිහාට පිය මැන්නා...


***************************************

සත්‍ය සිදුවීමක් ඇසුරෙනි.

ලිපිය තුල භාවිතා වූ යම් යම් වචන ඒ ඒ වයස පරතරයන් තුල... ඒ ඒ සමාජයන් තුල... එදාත් අදත් භාවිතා වන හෙයින්  යොදා ගත් අතර අපහාසයක් කිරීමෙ අදහසකින් යොදා නොගැනුනි.

ඈ අද කුමක් කොහේ කරනවාද මා නොදනී... එහෙත් ඇගේ අපි දන්නා ඛෙදවාචකයේ ඇරඹුම පෙම්වතා ඕනිවට වඩා විශ්වාස කිරීමය... හෙට වැලන්ටයින්.. ආදරය කරන්න... ඒත් ආදරය කරන්නට රූම් ගානේ ගොස් විනාඩි ගනනක හැඟීම් වෙනුවෙන්.. සතුට වෙනුවෙන් තමාගේ අනාගතය බිලි නොදෙන්න...


Friday, February 8, 2013

කාලය... තෝ නම් මහ මොකෙක්ද මන්දා...

Share

කාලය කියන්නේ මහ පුදුම ඩයල් එකක්... ඌ පුදුම විදියට දේවල් වෙනස් කරනවා.. අව්ව.. වැස්ස.. බඩුමිල.. ලෝක විනාසේ... චංගුමි.. ජාතිවදේ ඔය මොන මඟුලවත් ඌට වැඩක් නෑ... උගේ ගමන ඌ යනවා උගේ පාඩුවේ... අපිත් ඌත් එක්කම යනවා වෙන කරන්න දෙයක් නැති නිසා...

පුංචි කාලේ අපි හිටියේ අමුතුම ලෝකෙක... රොබින් හුඩ්.. නයිට් රයිඩර්... ටාසන් වගේ වීර චරිත ආරූඩ කරගෙන කාටුන් එකක් බලාගෙන ෆුල් මනෝ ලෝකෙක හිටියා..

ඉන්ටවල් එකේදි... අවස්තාවක් ලැබුනම ක්‍රිකට් ගහනවා.. එක්කො ලොක් & කී... හැංගි මුත්තන්.. එහෙමත් නැත්තම් අපිම හදා ගත්තු අමුතුම සෙල්ලම් මොනා හරි...

ඒ අස්සෙ මනෝ ලෝක එක්ක මැවුනු අමුතුම කතා එකා එකා කියා ගන්නවා... මට මතකයි එකෙක් හිටියා ඌට තට්ටු ලක්ශෙක ගෙයක් තිබ්බ.. ඒකෙ උඩම තට්ටුවටත් කාර් එක ගත හැකි... අපිටත් ඇත්ත...

කාලය එක්ක ඒ ලෝකෙ කඩන් වැටුනා.. කරදඩු උස් මහත් වෙද්දි.. නැට්ටට කිරි උනාගෙන එද්දි ජීවිත වෙනස් වෙනවා...

කෙල්ලො.. වැල.. වලි.. ඔව්ව අපේ ලෝකෙට ආව. ස්කෝලෙ යනවා.. ඔය උගන්නන දෙයක් ඇහෙන විදියට ඉගෙන ගන්නවා.. ක්ලාස් යනවා ඒකෙත් එහෙමයි.. ගෙදරින් කන්න අදින්න ඉන්න හිටින්න දෙනවා... කිසිම අවුලක් නෑ.. පට්ට ආතල්.

ප්‍රශ්න නම් අම්බානෙක.. හිත ගිය කෙල්ල සෙට් කරගන්නෙ කොහොමද... සෙට් උන කෙල්ලව හම්බු වෙන්නෙ කොහොමද... චීත්ත කේස් නිසා වැටෙන වලි.. ඔව්ව තමා... ස්කෝලෙන් පැනල ඇවිත් හොරෙන් වැලක් බලන එක... නෝන්ඩි නොවී බියර් උගුරක් බොන එක වගේ සරල මිශන් තමයි ඒ කාලේ තිබ්බේ... ශා කියල වැඩක් නෑ.. පට්ටම සුපිරි කාලය.

හැමෝම බොක්කෙන්.. එක බත් මුල බෙදා හදාගෙන.. ඩෙනිමක් ටී එකක් මාරු කරන්.. සුපිරි ෆන් එක... කාලය ගත උනා...

ස්කෝලෙනුත් එලියට බැස්ස... ආතල් කුඩුද ??

දැන් අපි මොකද කරන්නේ ? 


එක එකා එක එක පාරවල් වල යන්න ගත්තා... සමහරු කැම්පස්... සමහරු එක එක කෝර්ස් කරන්න ගියා.. තවත් උන් රට ගියා... සමහරු කෙලින්ම ජොබ් වලට ගියා.. එක පාරේ පිස්සු කෙලන් ආපු අපි බෙදිල විසිරිලා ගියා.. ෆිට් එක එහෙමමයි. ඒ පාරවල් වලදි අපිට  අලුත් සෙට් හම්බුනා.. අපිට ටාගට් සෙට් උනා.. ඒත් ලොකු සීන් එකක් නෑ... ගෙදරින් අඩු පාඩු ගේමක් නැතිව පුරවනවා.. බෝඩිමට සල්ලි... වියදමට... කෝර්ස් ෆීස්.. ආතල් ඉතින්..

දිග නිවාඩුවකට... අවුරුද්දට... මරනෙකට.. දානෙකට වගේ කට්ටිය සෙට් උනා.. බෝතල් හිස් උනා..

කාලය එක්ක සෙට් වීම් අඩු උනා.. ඒත් රට ගිය එකෙක් ආවම.. අවුරුද්දට වගේ නම් ඉතින් සෙට් වීම් අනිවා...

ඔක්කොම ජොබ් කරන්න ගන්නවා... ඉගෙන ගෙන අහවරයි. සමහරු තනිකඩයි.. සමහරු ස්කෝලෙ කාලෙ ලව් එකම ඇදගෙන යනවා.. තවත් උන් එව්ව ඉවර කරල අලුත් එව්වට අත ගහලා.. උන්ගේ ජීවිත රස්සවල්.. ඒ ඒ සෙට් එක්ක වෙනස් වෙලා... අනාගතේ ගැන ප්ලෑන්... ගෙයක් හදන්න... වාහනයක් ගන්න... ඔයි වගේ හීන..

බෝතලයකට සෙට් උනාම ඉස්සර වගේ සැහල්ලුවෙන් පරණ කතාවක් කියල ෆන් එකක් ගන්නව නම් තමයි... ඒත් හිතේ වගකීම්..යුතුකම් එක්ක මහ බරක් පිරිලා..

කාලය.. මතකනේ... ඌ උගේ ගමන යනවනේ...

එකා දෙන්න කසාද බඳින්න ගත්තා... අපිත් උන්ගේ වෙඩින් වලට ගියා... හොඳට බීල කාල.. කවරයක් ගුලි කරල දීල ආව... උනුත් අපේ වෙඩින් වලට ඇවිත් එහෙමම කලා..

ආතල් කුඩුද.. අනේ මන්දා.. ඉස්සර වගේ බෑ.. දැන් ගෑනියෙක් ඉන්නවා.. අපිට නම් ඕනි එකක්. ඒත් කෙල්ලොන්ට එහෙම බෑනේ..

ජීවිතේ ඕනි එපා කම් වැඩි වෙනවා.. අපේම කියල ඉන්න තැනක්.. වාහනයක්.. ගෙදරට වටින බඩු මුට්ටු... ඔව්ව පස්සෙ අපි යනවා... සෙල්ලම් නෑ අද කාලේ.. අවුලක් නෑ ඉතින් කාල බීල ට්‍රිපක් ගිහින් ආතල් එකේ ඉන්නවා... ඒත් හිතේ මහ බරක්.. ඇයි අනාගතේ.. වගකීම්.. යුතුකම්.. දෙමව්පියොත් වයසට යනවා...

ඒ මහ ගස් යට හිටිය අපි දැන් ඒ වගේම වෙන්න ඕනි නේද.. අපිත් පොඩි එකෙක් හදා ගන්න ඕනි.. අපි ආපු ගමනම එන්න උන්ට අපි හෙවනක් වෙන්න ඕනි නේද... මතක් වෙද්දි ඇඟ හීතල වෙලා යනවා...

ඊට පස්සෙ අහල පහල උන්.. නෑදෑයෝ.. ප්‍රශ්න.. 

" කෝ තාම නැද්ද මොකුත් වෙනසක්...  "
" දැන් ඉතින් වයසත් යනවනේ... "

ඉතින් හදපන්කො ළමයෙක්.. ඊට පස්සෙ

ඌ තමා ජීවිතේ.. 


ඌව බලාගන්න... උගේ වගකීම්.. ඊට පස්සේ ස්කෝල හොයන්න... එව්වට යන වියදම්... ඊට පස්සේ ඌ අපි වගේ පිස්සු කෙලිද්දි ඌව යහ මගට ගන්න... සෙල්ලම් නෑ...

කාලය එක්ක අපි අපේ ගමන යනවා ඉතින් මොනව කරන්නද...

ඉස්සර හම්බුනාම කෝල් එකක් ගත්තම... " මචන් මොකද අද හවස කරන්නේ... සෙට් වෙමුද ? " කියල අහපු අපි...

දැන් මාස ගානකින් කෝල් කරහම... කතා කරන්නේ..

" එපා වෙලා බන් ඉන්නේ.. ඉවරයක් නෑනේ.. පඩිය ගත්ත අනික් පැත්තට ඉවරයි.. "
" ලෝනුයි.. ක්‍රෙඩිට් කාර්ඩුයි... අනේ මන්ද බන්.. "

" පොඩි එකාට ස්කෝලයක් හොයන්න ඕනි බන්.. මේ දවස් වල ඒකට දගලනවා.. "

හයියෝ ඔන්න ඔයවගේ වැල් වටාරම්... කාලය තෝ නම් මහ... මොකෙක්ද මන්දා.... 




අන්තිමට මතක් උනේ මිනිහා අර තන්හාවට බූරුවා එපා කියපු අවුරුදු 30 යි බල්ල එපා කියපු අවුරුදු 20 යි... වඳුරා එපා කියපු අවුරුදු 10යි ඉල්ල ගත්තු කතාව...

***********

පෝස්ට් එක ලිව්වෙ හෙන කාලෙකින්.. අනේ මන්දා ලියන්න කියවන්නත් දැන් කම්මැලියි... පෝස්ට් එකට අදහස ආවෙ නම් මගේ සඳ ලියන පසන් ගේ බුකි ස්ටැටස් එහෙකින්.

Wednesday, December 12, 2012

පොඩි පොඩි Love හුටපට

Share

 පහුගිය දවසක ආව කෝල් එකක් වයිෆ් ගෙන්... ටිකක් වෙලා කතා කර කර ඉදල..

" අහ් මේ... අපි ඊයේ පන්සල ගිය වෙලේ ඔයාගේ පරණ කෙල්ල ඇවිත් හිටියා... ඔයාලගෙ නංගි පෙන්නුවෙ... එයා ප්‍රෙග්නන්ට් "

" අහ්.. එළනේ... මේ... ඔය කොයි එක්කෙනාද ?? "

එතනින් එහාට තත්වය ශෝචනීයයි...

පොඩි කාලේ කරපු හුට පටනේ එව්ව ඉතින්... ඔය එක්කම මතක් උනේ හසිතය කෙල්ලෙක්ගෙන් යාළු වෙන්න අහපු සීන් එකක්..


හසිතයා ගෙවල් පැත්තෙ කෙල්ලෙක් පස්සෙන් දවස් දෙකක් විතර පැදල.. කෙල්ලගෙනුත් ලොකු අවුලක් නැති එකේ වැඩෙ අහලම ඉවරයක් කරන්න හිතාගෙන මූ ලං උනාලු කෙල්ලට...

" මේ.. මට ඔයත් එක්ක පොඩ්ඩක් කතා කරන්න පුළුවන්ද ? "

" ඇයි අයියේ... මොකක්ද ? "

" මේ මේකයි නංගි... මං ඔයාට කැමතියි... "

කෙල්ල පොඩ්ඩක් වෙලා කල්පනා කරනවලු... බිම බලාගෙන..

" අව්ලක් නෑ
නංගි.. ඔයා කල්පනා කරල බලල කියන්නකො... "

' නෑ නෑ අයියේ.. ඔයාට පුළුවන්ද ඇවිල්ල අපේ අම්මගෙන් අහන්න.. අම්ම කැමති නම් මම කැමතියි... "

ඒ ලව් එක එතනින් හබක්.


ඔය හසිතය තමයි අර ලව් ලෙටර් ෆොටෝ කොපි ගැහුවෙ... එතකොට කලිසම සෙන්ටි මීටරේට යට කරපු.. මොකක්ද හු**** පන්තිය සීන් වල ඩයල් එක... ( පොඩි ඇඩ් එකක්  )

ස්කූල් බස් එකේ යන කාලේ මූ එකම ස්කෝලේ එකම පන්තියේ කෙල්ලො දෙන්නෙක් එක්ක යාළු වෙලා හිටියා... කෙල්ලො දෙන්න ආව ගියෙත් එකම ස්කූල් බස් එකේ... සති 2 - 3  ක් දෙන්නටම මූ ලව් කරා මාට්ටු නොවී..

කෙල්ලො දෙන්නම 8 නැත්තම් 9 වසරෙ... එක කෙල්ලෙක් මූ උදේට බස් එකේ නගින හරියෙන්ම නගිනවා... අනික් කෙල්ල බස් එකට නගින හරිය එද්දි කට කපල සෙන්ග.. ඒකිට ඉතින් ෆුට් බෝර්ඩ් එකෙන් යන්තම් උඩට එන්න පුළුවන්.. මුන්ව මළාට පේන් නෑ.. ඉතින් උදේට ගෙවල් ලඟ කෙල්ල එක්ක ලව්.. 


හවසට නම් ඌ කොහොම ගේම ගැහුවද මන්දා.. සමහර දාට එක කෙල්ලෙක් වමේ.. අනික දකුණේ.. පොඩි කෙල්ලොනේ උන් ඔක්කොගෙම හොර හිත් නිසා මූ වැඩෙ ගෙනියන්න ඇති... හයියෝ එහෙම කාලයක්.... වැඩි කල් නොගොස් දෙන්නටම මාට්ටු වෙලා අන්තිමට කෙල්ලො දෙන්න තරහ උනා... මූ වෙන කෙල්ලෙක් එක්ක යාළු උනා.

ගොජබි ලව් සීන් ගැන මතක් වෙද්දි පොලිසියට බෝතලයක් දීල... මදි හරියට බයිටුත් අරන් දීපු නදීරය නියම බයිට් එක... ඌ ගැන හිතා ගත හැකිනේ පොලිසියට බෝතලයක් දීල " සර් බයිටුත් ? " කියල අහපු එකෙන්ම...

අපි ස්කෝලෙ යන කාලේ ඒ කියන්නේ අවුරුදු 10 කට විතර කලින් හවසට ස්ටෑන්ඩ් එකේ බස් එකට නගින්න සිරා කෙල්ලෙක් හිටියා... 21 - 22 ඇති... සාරිය ඇදල.. සිරාවටම ලස්සනයි... කොල්ලො සැරට ට්‍රයි ඒ කාලෙත්... නො චාන්ස්.

ඒ කියන්නේ දැන් ඒකිට මයේ හිතේ 32 ක් වත් වෙන්න ඕනි.. නදීරයා 20 කොලුවා... මූ ලව් කරේ ඒකට...

ලංකාවට ගිය වෙලාවෙ ටව්න් එකේ සෙට් උන දවසක මූ ආව.. 


" මචන් අර කෑල්ල එනව බන් දැන්... වරෙන්කො පොඩ්ඩක් බලන්න යන්න... "

මට කෙල්ල දැක්කම සෑ.. මේකි තාමත් ඒ වගේනෙ කියල නොහිතුනා නෙමෙයි..

" යකෝ මේකිට ද උබ ට්‍රයි කරන්නෙ ? "

" ඔව් ඇයි උබ දන්නෝද... ? "

" මම දන්නෙ නෑ බන්.. ඒ උනාට අපි ස්කෝලෙ යද්දිත් ඕකිට අපේ එවුන්ත් ට්‍රයි කලා.. වැඩක් නෑ බන්.. අනික යකෝ තොට වඩ අවුරුදු 10 ක් වත් වැඩිමල් ඇති.. "

මොන තේරුමක් නෑ...

ඔක්කොම හරි ආතල් එක.. මූ කතා කරන්නෙත් නෑ.. ඒ උනාට සමහර දාට ලස්සනට රැප් කරපු තෑගි එහෙම අරන් ගිහින් ඒකිගෙ ගෙදර පෝස්ට් බොක්ස් එකට... නැත්තම් ගේට්ටුවෙන් එහා පැත්තට දාල එනවා... පර්ෆුයුම්... ස්ට්‍රිට්නර්ස්.. වගේ එව්වත් දීලා කියල කිව්වෙ අපේ මලයා... ඒ තෑගි දෙන්නෙ ඌ කියලවත් ඒකි දන් නෑ මම හිතන්නේ

සීන් එක අහපු මම

" හෑ යකෝ තොට පිස්සුද ? "

" එහෙම තමයි බන් බොක්කෙන් ලව් කරද්දි.. "

මම ඔලුවෙ අත ගහ ගත්තා...

Friday, November 30, 2012

කොච්චර කලත් සල්ලි නෑ බන්... ඉතිරි වෙන්නෙම නෑනේ

Share


බෝතලයක්... මස් තසිමක්... සෝඩ බෝතලයක්.. වීදුරු කීපයක්... අපි කතා කලා... බිව්ව...

" මචන්.. උබට මතකද.. මට ඒ දවස් වල හම්බුනේ රුපියල් 10000 යි.. වැඩි කලක් නෑ අවුරුදු 2 කට උඩදි.. අඩෝ මම කාටවත් අත නොපා ඒකෙන් ජීවත් උනා හරි.. මට අද 45000 ක් විතර හම්බෙනව... උබලට කියන්න බන්.. වෙනසක් නෑ බන්. ඒ දවස් වල කෑව බිව්ව ඉතුරු නෑ.. අදත් කනව බොනව ඉතුරුවක් නෑ බන්.. මට හිතා ගන්න බෑ බන්... ඒත් ඉතුරු නෑ බන්.. බඩු මිල  සියට 400 කින් නැග්ගෙ නෑනෙ බන්... "

" ඔතන අවුල මචන් මනි මැනෙජ්මෙන් එකේ.. ඒ කියන්නේ මූදල් පාලනය කිරීමේ... වැඩිය ඕනි නෑ බලපන් අද සෙට් වීමම...

" එදා අපි බිව්වෙ ගල්... බාර් එක ගාවින් ගත්තු වඩෙයි.. කපපු ලූනු ගෙඩියයි.. ඈ... එච්චරයි නේ... අද බලපන්.. උබ ගෙනාවෙ ලෝකල් විස්කි එකක්.. ගල් බොතල් දෙකක ගාන... චයිනිස් එකෙන් ගත්තු ඩෙවල් 2 යි.. එදා ආතල් එකමයි ඒත් ඒ වගේ 3 - 4 ගුනයක් වියදම් කරල නේ.. වෙනස් තියෙන්නේ මචන් එතනයි... ඒ ගත්තු ආතල් එකෙයි මේකෙයි වෙනසක් තියෙද කියපන්... ? නෑනේ..  "

 " අපි මචන් සෑහීමකට පත්වෙන්නෙ නෑ බන්.. ඒ අපේ ජාතියේ හැටිද කියන්න මම දන්නෙ නෑ.. බලපන්.. එහා ගෙදර එකා බයික් එකක් ගත්තොත් අපිටත් කෝම හරි එකක් ගන්න ඕනි වෙනවා.. ඌ වෑන් එකක් ගත්තොත්.. අපිටත් ඕනි වෙනව... ඒත් අපිට බෑ...

අපිට ඕනි නැති උනත්... එක්කො අම්ම තාත්ත.. එක්කො ගෑනි... එක්කො යාලුවො මොකාගෙ හරි උසි ගැන්විල්ලට අපි ලීසින් එකක් දාල හරි ගන්නව නේ.. අපිට ගෙවන්න බෑ.. අඩුම ගානේ ගත්තු වාහනේට පැට්‍රෝල් ඩිංගක් ගහගන්න බෑනේ.. ටික දවසකින් ලීසිං එකෙන් උස්සනව.. ගෙවපුවත් නෑ.. වාහනෙත් නෑ.

එකෙක් තට්ටු දෙකට ගේ ගැහුවොත් අපිටත් ඕනි... පට්ට ණයක අරන් පටන් ගන්නව... ගෙයින් භාගයක් වත් කර ගන්න බෑ.. නොකා නොබී ණය ගෙවනවා... ඔය කිසිම තොරණක පිටින් පේන ලස්සන නෑ බන්..

මඟුල් ගන්න හැටි බලපන්... සබ්බ සකල මනාවම ඉවර කරගන්නව... ඊට පස්සෙ නොකා නොබී ණය ගෙවනව... සමහර උන් දික් කසාදත් වෙලා ඒත් මඟුලෙ ණය ඉවර නෑ

ඒ උනාට අපි කැමතියි අපේ යාලුවට.. එහා ගෙදර එකාට.. නෑයට වඩා ඉහලින් ඉන්න... අපි බයයි සමාජෙට... අපි ට ඕනි ලොකුව පෙන්නන්න...  ඔතනයි බන් අපිට වරදින්නෙ... "

" කවුද බන් ඔව්වට ආස නැත්තෙ... අපි මිනිස්සු හරි.. අනික බන් ඉන්න ටිකේනේ ඔය ඔක්කොම... "

" ඔව් ඒ උනාට මචන්.. අපේ අවශ්‍යතා අපි සීමා කර ගන්න ඕනි අපේ ආර්ථිකයට ගැලපෙන විදියට... මුල් තැන දිය යුතු දේවල් තියෙනවා.. ඒවලට අපි මුල් තැන දෙන්න ඕනි...

අම්ම තාත්ත... ගෑනි.. දරුවො එක්ක ඉන්න කාලේ අර වාහනේට.. ගෙට ගෙවන්න කියල ඕ ටී කරන්න ගියාම අපිට නොදැනිම උන් අපෙන් ඈත් වෙනව.. දරුවො වෙනුවෙන්.. අනාගතේ වෙනුවෙන්.. හරි කරන්න ඕනි.. ඒත් ඒ අතරේ අපි විඳින්න ඕනි මේ ජීවිතේ..

සමහර පොඩි එවුන් අම්ම තාත්ත දකින්නෙ නෑ දවස් ගානකට... ගෑනියි මිනිහයි හම්බෙන්නෙත් නිදිය ගන්න ටිකට විතරයි... මොකටද බන් එහෙම ජීවත් වෙලා..

දැන් කාලෙ අහන දකින් දේවල් එක්ක අපේ ටිකට් එක කවද එයිද කවුද බන් දන්නේ "

" හ්ම්ම්ම්... ඒකෙත් ඇත්තක් තියෙනවා... "

" මම උබට කතාවක් කියන්නම්... හයි වේ එක හදද්දි වන්දි දුන්නනේ.. පොරකගේ ගෙටයි වත්තටයි වන්දි හම්බුනා.. මූ ඒ මුලු සේසතෙන්ම ගෙයක් ගැහුව හෙන පත.. හරි.. අන්තිමට මූට කන්නවත් සතයක් නෑ.. අන්තිමට අර ගේත් විකුනල දැන් අර බේකරිය පිටිපැස්සෙ කාමරේක ඉන්නේ... ඌට හම්බුන වන්දියෙන් ලස්සනට ඉන්න තිබ්බ.. පොඩි ගෙයක් හදාගෙන... සල්ලි කීයක් හරි බැංකුවෙ දාගෙන... අපරාදේ ඉතින්.  "

" මචන්.. අපිට හම්බ වෙන ගානෙන් අපේ තරමට අපි ජීවත් වෙන්න ඕනි..  වැඩිය ඕනි නෑ...

********* උබේ පඩිය කීයද ? "

" 25 යි බන්.. ඕටි එක්ක 30 ක් වගෙ තමා.. "

" හරි.. උබේ කීයද.. 45 යි නේ.. .. ******** තොට 65 ක් වත් එනවනේ මාසෙට.. "

" 70 ක් වගේ..  "

" හරි.. දැන් බලපන්... තොපි තුන් දීනාම කියන්නේ එකම කතාවනේ... අරූ 30 න් මාසෙ අදිනව.. මූ 45 න්.. උබ.. උබ 70 න්...

70 ක් ගන්න උබට 30කින් මූ වගේ ජීවත් වෙන්න පුළුවන්නම් උබට 40 ක් ඉතුරු කරන්න බැරිද ? "

" අනේ මන්ද ඕයි.. ඉතුරු වෙන්නෙ නෑ.. "

" ඉතුරු වෙන්නෙ නැත්තෙ මම කියපු හේතුව.. උබල උබලට ලැබෙන ගානෙන් ජීවත් වෙන්න හැඩ ගැහෙනව... ඉතින් හැමදාමත් නැති බණේ තමා... "

" මේ ඔය හුන්නස්ගිරි කතා වැඩක් නෑ බන්... සින්දුවක් කියල ආතල් එකක් ගමු බන්... "

" එල.. "

" ගනින් ඔය බෝතලේ මෙහාට ශොට් එක්ක දාලම පටන් ගමු... "

නින්ද නැති රැයේ.....

Tuesday, October 2, 2012

පිස්සත් කසාද බැන්දා....

Share


සෑහෙන කාලෙකින්... අන්තිමට ලියපු පෝස්ට් එක ලියලා දැන් මාස 3 ක් විතර.. මේ මාස තුනට කොයි තරම් දේවල් උනාද.... වෙච්චි දේවල් ඔක්කොම ලියන්න කම්මැලි උනත් මේක නොලිය කොහොමද.... හුඟක් එව්වො දන්නවා ඉතින්... පිස්සත් බැන්ද... මඟුල අරන් දැන් මාස දෙහෙකටත්වැඩියි...

අප්‍රේල් ලංකාවට ආවට පස්සෙ මම ඉතින් බඩු මල්ලකුත් අරං ගියා මනමාලිගෙ ගෙදර දිහා... හා හා පුරා... යාළුවෙක් වෙලා අවුරුදු බර ගානක් වුනාට ඉතින් එදා තමා මුලින්ම ගියේ ඒ පැත්තේ..  අවුරුද්ද ඉවර උනා විතරයි නිසා ඉතින් කැවුම් කොකිස් දොදොල් කෙසෙල් ඔව්වා තමයි කොහෙත්...  නැන්දම්මා කැවිලි පෙවිලි වලින් සංග්‍රහ කොරල පිළිගත්තා... ඊට පස්සෙ ඉතින් ඔන්න කේන්දර බැලිල්ල...

" දැන් ඉතින් පිළිවෙලක් වෙන්නත් එපැයි මෙව්ව... කේන්දර එහෙම බලන්න ඕනි.. නැතුව ඉතින් බෑනේ... " නැන්දම්මා ගෙන් වචනේ...

"ඔව් බලන්නත් ඕනි... මම නම් ඉතින් ඔව්ව වැඩිය විශ්වාසයක් නෑ... "

" ඒ උනාට ඉතින් එව්ව නොබල බෑනේ...  "

ඒකත් බැලෙව්ව... ඒ බැලිල්ල වෙනම කතාවක්.. ඒක පස්සට.

ඔන්න ඉතින් නැකත් බලන්න ගත්තා...

" ම්ම්ම් මේ දවස හොඳා... දැන් කොහේද මඟුල ගන්න ඉන්නේ... හෝටලේකද... "

සති 6 ක් තියල දවසක් දීල ඇහුවා කේන්දර බලන මනුස්සය...

" එහෙම තමා හිතාන නම් ඉන්නේ... "

" වැඩි කාලෙකුත් නෑනේ... එහෙනම් ඉතුරු කොටහ බලන්න කලින් ගිහින් බලන්නකො හෝටලයක් වෙන් කොර ගන්න... ඔව්ව මෙහෙම කටේ තියන් වෙන් කොරන්න අමාරුයි... මෙහෙට එන උදවිය අවුරුද්දක් වත් කල් තියල එව්වා වෙන් කොරගන්නේ... "

මොන... අපිට එච්චර කල් තියෙනවය... එදා හැන්දෑවෙම ගියා හෝටල බලන්න...  තැන් දෙකයි බැලුවෙ... දෙවැනි තැන ලෙසටම හිතට ඇල්ලුවා... දවසත් ගන්න පුළුවන්... පස්සෙන්දම දෙන්න එක්ක ගිහින් බලල ඇඩ්වාන්ස් ගෙව්වා...

ඊට පස්සෙ ඉතිරි නැකත් ටික හදන්න ඒ මනුස්සයට පවරලා ඉතිරි වැඩ ටික බැලුවා... මඟුලක් කිව්වට මෙලෝ අදහසක් නෑ.... ෆොටෝ ගන්න ඕනි කියල දන්නවා... ම්ම්ම් ලගදි බැන්ද එකෙක් ඉන්නවද හරි... පවනය බැන්දනේ... ගත්ත කෝල් එකක්...

" මේ මචන්.. මඟුලක් ගන්න ඕනි... වැඩේට බලන්න ඕනි කරන චෙක් ලිස්ට් එක කියහන්... "

" මොකක් ගන්න.. මොකක් ඕනි කිව්ව... ඌ හොල්මන් වෙලා... "

කෙටියෙන් සිද්දිය ඌට කියල දැම්මම.. ඔන්න ඒ දෙන්න දෙමහල්ලො එකතු වෙලා මතකය ආවර්ජයනය කරල එව්ව ලිස්ට් එක.


1 Nakath 
2 Gold
3 invities 
4 Hall 
5 décor
 6 dress 
7 dressing 
8 invitations 
9 photos & Video 
10 music 
11 liquer and bites 
12 honeymoon 
13 car 
14 Dancers 
15 Wedding Cakes 

 ඔය තියෙන්නෙ ගෙඩි පිටින්ම උගේ ලිස්ට් එක... 

1 හරි... 4 ත් හරි... මුලින්ම ගියා ෆොටෝ කාරයො බලන්න... හප්පුච්චියේ උන්ගෙ ගනන්... ලස්සන ඇල්බම් සැට් එකක් පෙන්නලා බ්ලා බ්ලා කියල හයියෝ... ඔක්කොම පැකේජ්... අපි හිතාන උන්නේ එක දවසෙ වෙඩින් එකක් ගන්න... හෝම් කමින් නැතුව... එහෙමෙයි කියල උන්ගෙ කිසිම වෙනසක් නෑ... මොනා කොරන්නද... ඔන්න එකෙක් තෝරගෙන උන්ට ඇඩ්වාන්ස් පාරකුත් දුන්නා...

ඊට පස්සෙ අන්දන ගෑණියෙක්..

" එන්න වාඩි වෙන්න... "

වයිෆ් ( එතකොට වෙන්න වයිෆ් ) එක්ක මට නොතේරෙන මොනාද මන්ද කතා කරා.. අන්තිමට කිව්ව ටික නම් හොඳට ම තේරුනා.. මම හීනෙකින් වත් නොහිතපු ගානක්.. යකෝ ෆොටෝ කාරයො හොඳයි නේ...

" මම අන්දන්න ********* ගන්නව... එතකොට ඔයාට fresh බොකේ එකට ******* මෙච්චර යනවා... ට්‍රාන්ස්පෝර්ට් මෙච්චරයි... ම්ම්ම් ඇඳුම් මහන කෙනාගෙ ගාන ******** "

ඔහොම කියාගෙන කියාගෙන යනවා... අන්තිමට ඒකි මූනෙ පව්ඩර් උලන්න ගන්නව බර ගානක් අනික්ව වෙන වෙනම.. හයියෝ සල්ලි... ඒත් ඉතින් මොනා කරන්නද... බලපු උන්ගෙන් හිතට ඇල්ලුවෙ උන්දැගෙ වැඩනේ.. එයත් බුක් කරා...


රත්තරන් ඉතින් මට මතක අර ස්වර්නවාහිනියේ ඉස්සර යන ඇඩ් වල තිබ්බ 5000 ගාන... යකෝ පවුම දැන් ඒ වගේ 10 ගුණයකටත් වැඩියි... ඇස් දෙකටම ඇඩුනත් ඉතින් මුදු මාල නැතුව කොහොමෙයි... ඒකත් ගත්තා...

සති 6 ට කරන්න වැඩ අම්බානෙක නේ.. උදේ නැගිටිනව එලියට බහිනවා ආයෙ ඉතින් කෑමක් බීමක් නෑ එහෙ දුවනව මෙහෙ දුවනවා...

ඇඳුම් මහන්න... දෙවැනි මන මාල මන මාලියො හොයන්න... මල් කුමර කුමරියො හොයන්න... උන්ට ඇඳුම් මහන්න...කේක් බොකස් බලන්න... ඉන්විටේශන් කාර්ඩ් බලන්න... අශ්ටක කියන එව්වො.. නටන එව්වො... පෝරු මල් සැරසිලි... සංගීත කාරයො... ඉවරයක් තිබ්බෙ නෑ... කොහොම හරි සති 6 අවසානයේ වැඩේ ලස්සනට හිතුවටත් වඩා හොඳින් කර ගන්න පුළුවන් උනා...


පාන්දර 3 ඉදන් මනමාලි ඇදගෙන... උදේ 6 ඉදන් ෆොටෝ ගහල... අම්බානෙක බඩගින්නෙ හොටෙල් එකට ගියා... ඒ ගිහිල්ලත් මොන කෑමක්ද.. ෆොටෝ කාරයො කියද්දි කවන්නයි.. කන්නයි... කොහොම හරි ඉතින් පෝරුවේ නැගලා.... නෑ මිත්‍ර සනුහරෙත් අඳුන්නල දීලා හැන්දෑ වෙන්න පොඩ්ඩක් නටල කාරිය මඟුල ඉවර කලා...

සෑහෙන්න මහන්සි උනාට අන්තිමට පොඩි වැඩයි තිබිල තියෙන්නේ... හෝටලේට ගියා... පෝරුවට නැග්ග.. බැස්සා... නෑ මිත්‍රයෝ අඳුන්නල දුන්නා... කෑව... නැටුවා.. එලියට බැහල එන්න තියෙන්නේ... හයියෝ මහන්සිය.... මෙච්චර දැඟලුවෙ මේ පැය 5 ටද කියල නොහිතුනාමත් නෙමෙයි... හයියෝ සල්ලි.... ඒ උනත් එක පාරනේ ජීවිතේටම


ඔක්කොමත් හරි අපේ අපතයෝ අර ගෙනාපු බෝතල් ලස්සනට වාඩි වෙලා බයිට් හප හප බොනව දකිද්දි... ඇස් දෙකට කඳුළු කැට සට සට ගාල එනවා... එහෙමෙයි කියල බොන්නය එදා.... ආපු එවුන් අම්බානෙක එන්ජෝයි කරද්දි කපල් එකට නම් පාං කියා ගන්නවත් පන නෑ... 

එහෙමෙයි කියල නිකන් ඉන්නය.. ආයෙ හවසත් ෆොටෝ අල්ලනවා... ඔක්කොම ඉවර වෙලා හැන්දෑවෙ 6 ට විතර බුක් කොරපු හොටලේට ගිහිල්ලා.. හොඳට නාල කාල බුදියගත්තා... මොන හනිමූන්ද අප්ප මඟුල දාට...

එහෙනම් ඉතින් පිස්සත් දැන් බැඳලා... ලියන්නනම් පට්ට කම්මැලියි. ඊට ත් වඩා වයිෆ් ලංකාවෙ ඉද්දි මෙහෙ ඉන්න එක නම් ඇඩෙනව... පුළුවන් ඉක්මනට එයාවත් ගන්න ඕනි... ඊට පස්සෙ නම් ජීවිතේ මල්.

Wednesday, July 4, 2012

ෆිල්ම් හෝල් ජරමරේ

Share
 
ලංකාවට ආවට පස්සෙ ටිකක් විතර ජංජාල භාවිතයෙන් ඈත් උන නිසා බ්ලොග් එකත් පාළු වෙලා ගිහිල්ලා... මොනා හරි කොටල යන්න ඕනි කියල හිතුන නිසා ආව මේ පැත්තේ... 

පහුගිය දවසක මම ගියා කුස පබා බලන්න... හප්පේ පබාගේ ලස්සන... ඕක කියල තව ඩිංගෙන් පවුලත් හබක් වෙනවා මයේ... බැල්කොනි ටිකට් දෙහෙකුත් අරන් ඇතුල් වුනා උඩු මහලට... හප්පේ සූ ගාල කපල්... පොඩි පොඩි එව්වො තමා ඉන්නේ හුඟක්ම.... යන්තන් ඉඩක් හොයාගන්න තිබුනේ ඉස්සරහින්...
ඉතින් ඔන්න ඉස්සරහම පේලියට පොඩ්ඩක් පස්සෙන් වාඩි වෙලා ඔන්න ඉන්නවා කුස පබා ගෙ සින්දුවකුත් අහගෙන පටන් ගන්නකල් ෆිල්ම් එක..

කොහොමත් කපල් නැත්තන් ලංකාවෙ මේ ඉතුරු වෙලා තියෙන ෆිල්ම් හෝල් ටිකත් වැහිල හුඟක් කල්...  බැල්කනියි බොක්ස් ටිකයි කපලුයි තියෙනකල් ඔව්ව කොහොම හරි ඇදගෙන යයි... බැල්කනි සෙට් එකේ පිටිම පැස්සෙ තියෙන්නේ බොක්ස් සැට් එක..

ටික වෙලාවකින් පොඩි කුසු කුසුවක් ඇහෙන නිසා මමත් පස්ස හැරිල බැලුවා... හප්පේ මේ මොකෑ... ඇන්ටි කෙනෙක් කුඩේකුත් තියාගෙන අර බොක්ස් අස්සට එබිකන් කොරනවා... වෙලාවට ෆිල්ම් එක පටන් අරන් නෑ... නැත්තන් ඇන්ටි මොනා දකියිද කවුද දන්නේ.... ඇන්ටි බෙල්ල දානකොට අනේ අර ඉන්න එව්වො ගැස්සිල යනවා.... බොක්ස් ටික search කරපු ඇන්ටි ආයේම ගියා...


ෆිල්ම් එක පටන් ගන්න පාටකුත් නෑ... ආයෙම ආව ඇන්ටි ටෝර්ච් එකක් ගත්තු සිනමාහල් සේවකයෙක් එක්ක... බැල්කානියෙ ඉන්න කපල් වල මූනු බල බල යනවා ඇන්ටි කෙලවරක ඉදන්.. අරුත් තක්බීර් වෙලා ටෝර්ච් එක අල්ලන් යනවා.. ඒත් ඇන්ටිගේ නෙත සෙවූ ඒ රුව නෑ...

බැල්කනියේ ඉස්සරහම පේලියේ කෙලවරක හිටියා කපල් එකක්.. කෙල්ල නම් කොන්ඩෙ දෙපැත්තට දාල මූන පේන්නෙම නෑ ඉස්සරහින්ම ඇවිත් බැලුවොත් ඇරෙන්න..... කොල්ලත් හෙන උසයි... ටෝර්ච් පාරට ඇන්ටිට අහුවෙන්නෙත් නෑ...  එලියට ගිය ඇන්ටි ආයෙම ආව විදිලිය වගේ... පස්සෙ පේලියෙන් ඔලුව දාල ට්‍රයි කලා බලන්න කෙල්ල ව පේන්නෙම නෑ...

කොල්ලට දැම්ම පොඩි තට්ටුවක්...

" මේ පෙන්නනෝ ඕයි ඔය දරුවගේ මූන...  "

කෙල්ල සිං ගාල හැරුනා.. හයියෝ ඒ වෙන කෙල්ලෙක්... ඇන්ටි ගියා... ලයිට් නිවුනා... ෆිල්ම් එක පටන් ගත්තා....


***********************

අනිවා ඇන්ටිගේ දුව කොල්ලෙක් එක්ක ක්ලාස් කට් කරලා ෆිල්ම් එකක් බලන්න ආව කියලා කවුරු හරි ගෝතයෙක් කියලා... ඇන්ටි පරල වෙලා එන්න ඇත්තෙ... කියපු එකා කියන්න ඇත්තේ මේ ෆීල්ම් හෝල් එකේ කියලා... ඒ උනාට තව ෆිල්ම් හෝල් කීයක් තියෙද... ඒ එහෙකට ගියාද දන්නවද... එක්කො කවුරු හරි එකෙක් ලණුවක් දීලා... අම්මප මුන්ටත් වෙන වැඩ නෑනේ කෙල්ලෙක් කොල්ලෙක් එකට යනෝ දැක්කොත් ගෙදරට කියනකල් නින්ද යන්නෙ නෑ... නොදකින්...

නිදහසේ කතා කරන්නවත් තැනක් නැති නිසානේ උන් දෙන්න එන්න ඇත්තෙ... අනික ඔයි කාලෙට ලව් කරන් නැද්ද... ඔය වයසෙදි ආදරේ නොකර නාකි වෙලා කරන්නය... අම්මප මුන්ට නම් තියෙන්නේ පුදුම අමාරුවක්... කෙල්ලෙක් කොල්ලෙක් එකට ඉන්නව දැක්කොත් එක්කො ගෙදරට කියයි.. එක්කො කෙල පෙරන් බලන් ඉදියි... නොදකින්...


ඇන්ටි උනත් හිතන්න ඕනි.. ඒ දරුව එතන ඉදල අහුවෙල ඇදගෙන ගියානම්... ඒකි මුලු හෝල් එකටම නෝන්ඩියිනේ.. ඒ ළමයගේ තත්වෙ මොකක්ද... අමු චානේ... දුර දිග නොහිතන දෙමව්පියො... තරුණ හැඟීම් අදුරන් නෑ... කොහේදි දැක්කත් ඒ පාර ඒකි නෝන්ඩියි නේ... ක්ලාස් ගිහිල්ලත් හමාරයි. කලබල නොවී විසදගන්න එපැයි... පිස්සු...





ඒ එක්කම හිතෙන්න ගත්තා... දෙමව්පියො කොච්චර දුක් මහන්සි වෙලාද ළමයින්ව හදන්නේ... අද කාලේ ජීවන වියදමත් එක්ක ක්ලාස් එහෙකට ගෙවන්නෙත් කොයි තරම් අමාරුවෙන්ද... ඒ තමන්ගේ ළමයි හොඳට ඉගෙන ගනියි කියලා.. ඒ ළමයින්ගේ අනාගතේ එලිය කරන්න... හොඳ තැනකට යනව දකින්න... කොයි තරම් බලාපොරොත්තු තියෙද... විශ්වාසයක් තියෙද ළමය ගැන...එහෙම එකේ ඒ ළමයි ක්ලාස් කට් කරල ජෝඩු දාල චිත්‍රපටි බලන්න යනවා කියන එක දෙමව්පියන්ට දරා ගන්න පුළුවන්ද... 

අනික ලංකාවෙ ගෑණු ළමයෙක් ට නරක නාමයක් ආවම ඒක ජීවිතේටම බලපානව නේද.... ඉගෙන ගන්න කාලේ ඔය වගේ පලහිලව් නිසා කොයි තරම් ළමයි අනාගතේ අඳුරු කර ගන්නවද... එහෙම අනතුරක තමන්ගෙ දරුව වැටෙන එක බලා ඉන්න පුළුවන්ද... ඒ අතින් ඒ ඇන්ටි හරි... 




මීට අවුරුදු 8 - 10 කට කලින් නම් අනිවා ඇන්ටිට පතුරු යන්න හිතෙන් හරි බනිනවා...

ඒත් දැන් එක වෙලාවකට හිතෙනවා ඇන්ටි යම් දුරකට හරි කියලත්... කෙල්ලගෙ කොල්ලගෙ පැත්තෙන් උනුත් පව් කියල...

සික්... මේ යන විදියට තව අවුරුදු 8 - 10 ක් යද්දි ඇන්ටි හරියටම හරි... අර කෙල්ලයි කොල්ලයි වැරදියි කියල හිතෙන්නත් බැරි නෑ.... හයියෝ මට හිතෙන දේවල්... වයසත් එක්ක මිනිස්සු වෙනස් වෙන හැටි...


" ඒයි පිස්සා... මොකද උඩ බලාගෙන ඉන්නේ... මොනාද කල්පනා කරන්නේ...  "

" අහ් නෑ... මම මේ පබාගේ ලස්සන ගැන හිතුවෙ... "

" ඔව් ඉතින් ඔයාට මේ ලෝකෙ ඉන්න හැම කෙල්ලම ලස්සනයි මම ඇරෙන්න...  "

 ලෝක යුද්දේ....

***********************
නැවත හමුවෙමු...


Related Posts with Thumbnails