වනි***** අද එකද ??? බින්දුවද ?? තිතද ??

හුඟ දවසකින් ස්කෝලෙ කතාවක් දැම්මෙ නැහනේ... කතාවකුත් නෙමෙයි නිකන් මතක් වෙච්චි ඒව ටිකක් ලියල දාන්න හිතුනා..

අපේ වනියා.. ඒ කියන්නේ අර ගන නොබලන එකා තමා හික් හික්... ඌයි ඔය අපේ අමිලයයි එක පන්තියේ හිටියෙ... A/L කාලේ. උන බයෝ කලේ.. උන්ගෙ පන්තියේ තමා බයෝ සෙට් එකේ හොඳම උන් හිටියෙ... ඒ ඇරුනම A/L අලුතින් ආපු එවුනුයි.. පන්තියේ හිටිය වාත පොරවල් තමා ඉතින් මුන් දෙන්නා... හික් හික්...

මම වගේම අන්තිම පේලියේ පොරවල් තමා උන් දෙන්නත්... උන්ගෙ පේලියේ හිටිය අනික් උන් දෙන්න කොටයි චූවයි. සිරාම ඩයල් දෙක.
ඔය කොටා එහෙම අදටත් දැක්ක තැන දුවගෙන ඇවිත් බදා ගෙන කතා කරන්නේ... චූව නම් ලංකාවෙ නැහ.

ඉතින් ඉස්සර ඔය වනියලගෙ පන්තියේ off පීරියඩ් එකක් කියන්නේ මටයි ගයාන්ටයි off කියන එක. කෙලින්ම උන්ගෙ පන්තියේ තමා අපි දෙන්න. වැඩකටත් නෙමෙයි.. ඒත් අර පීරියඩ් කට් කරන උනක් තිබ්බනෙ ඒ කාලේ...

හසිතය නැහ ඉතින්... ඌ කලේ කොමර්ස් නෙ..

ඉතින් අන්තිම පේලියෙ සෙට් උනහම වෙන මොකුත් නැහ සින්දු කියන එක තමා. වනියට සිරාවට පුලුවන් සින්දු කියන්න... ඌ කියන සමහර ඒව ජීවිතේට අහල නැහ..ඒ උනාට ගින්දර සින්දු.

ඉතින් මන්දාරම් අඳුර මැදින් මදුවිතක් එපා කියාගෙන වෙරළ කොනක ඉදන් කුඩේ යටින්.... ඔය ඒ කාලේ ආව මල් සින්දු පන්සල් සින්දු ඔක්කොම වගේ කියලා සමහර දාට ජාතික ගීයයි... පාසල් ගීයත් කියල තමා නවත්තන්නේ.


ඒ දවස් වල ඔය අපේ ස්කෝලෙ හිටිය සර් කෙනෙක් නයිකෑම් කියලා.. ඒ දවස් වල ඔය ටිවි එකේ ආවනේ භාශා දෙකකින් අහන්න පුලුවන් මොකක්ද සීන් එකක්... ඒකට කිව්වෙ නයිකෑම්... පොරත් ඒ වගේ....

" මේ කොහෙද යන්නේ...  where are you going ?? "

" මොනවද දැන් තියෙන්නේ... what do you have now  ?? "

හැබයි ඉතින් සමහර වෙලාවට සීන් එක අවුල් වෙලා සිංහලෙන් කියන එක නෙමෙයි English වලින් කියන්නේ.ගානකුත් නැහ ඒ කාලේ. පොරට තේරෙන්නෙත් නැහ අපි දන්න ඉන්ගිරිසියකුත් නැහනේ හික් හික්..

ඒ කාලේ ඉතින් පැනල යාම නවත්තන්න උදේ වගේම හවසටත් රෙජිස්ටර් මාර්ක් කරන සීන් එකක් ආව. උදේ ඉදල හවස නැත්තම් බඩු ඉතින්.
නයිකෑම් තමා ඕකට මූලික උනේ... වැඩක් තියෙන්නත් එපැයි... ඉතින් හවසට Register ටික උස්සගෙන එනවා.

ඉතින් ඕක ලෙඩක් උනා විශේශයෙන්ම වනිය ට එහෙම... පැනල යන්න ඕනිම දවසකටවත් බැහනේ...

පොර කරා නියම වැඩක්... ඔය සර් පේන්න ඉන්නකොට වනියා කරන්නේ...
හෙන සද්දෙට...

" මේ අද එකෙක්වත් පනින්න එපා... හවස චෙක් කරනවා... පනින්න එපා "

කියල පන්තියටම ඇහෙන්න කෑ ගහනවා... සරුත් ඉතින් ගුලිය කනවා... කොල්ලොත් කනවා.

කොල්ලො එකෙක්වත් පනින්නේ නැහ චෙක් කරයි කියල..
සර් චෙක් කරන්නෙත් නැහ කොල්ලො දන්නවනෙ පනින එකක් නැහ කියලා...

අන්තිමට වනිය පනිනවා හික් හික් .


ඊට පස්සෙ උන්ම පුරුදු කරල උදේට නම් මාර්ක් කරද්දි උන්ගෙ පන්ති භාර මිස් වනියලගෙ පේලියෙ නම් මාර්ක් කරද්දි...


" වනි*****  අද එකද ??? බින්දුවද ?? තිතද ?? "

" තිත මිස්... "

" අමිල... ? "

" තිත මිස්.. "


මිස් මාර හොඳයි උන්ගෙ... අනික මිස් දන්නවා මුන් ටික පිස්සු නැටුවට චාටර් නැහ කියලා...

හික් හික් ඉතින් ඔය තිත එක කතාව...

තිත : ඒ කියන්නේ අද පනිනවද නැද්ද කියල තීරනය කරල නැහ.

එක : පනින්නෙ නැහ

බින්දුව : ඉන්ටර්වල් එකටත් කලින් පැනල යනවා

හික් හික්... කොහොමද ටිකිරි මොළ.


අපේ පන්තියෙත් ඔය සිද්දිය වෙන විදියකට උනා... අහන්නෙ නැහ... ඒ ඇවිල්ල නැත්තම් තිත...

පස්සෙන්දට ඕනිනම් එක කර ගන්න තියෙන්නේ... අර 80 % සීන් එක කාටවත් අවුලක් නැහ ඉතින්...

දවසක් ඔය ෆිල්ම් එකක් බලන්න මායි හසිතයයි පවනයයි පැනල යද්දි... පවනය නිහාල් සර්ට මාට්ටු... ඌ ඉතින් පොත් බෑග් එකයි ඔක්කොම උස්සගෙන එන්න එපැයි.. අපි වගේ පොත් දෙකක් නෙමෙයි නෙ.. උගේ මෝස්තරේ නෙ...

මූ කියලනේ ෆිල්ම් එක බලන්න යන්නෙ කියල හරක වගේ... සර් අවුලක් නැහ ඉතින්..

පන්තියට යනවා කියල එලවල

මායි හසිතයයි මූ එනකල් බලන් ඉදල බැරිම තැන ගිහින් බැලුවා...

වැරදියට හිතන්න එපා.. තනපට අහසට නෙමෙයි... හික් හික්.